TEAM –  O‘zbekistonda tashkil etilgan birinchi xususiy tadbirkorlik universitetidir. TEAM qadriyatlar tizimiga asoslangan universitet tuzilmasini, shuningdek tijoriy muvaffaqiyatlilik va samaradorlikni chuqur ko‘ra bilish xususiyatlariga egadir.

Qadriyatlar:

equity_security_350px

BARCHAGA INKLYUZIV
va
XOLIS MUNOSABAT

search_more_350px

SHAFFOFLIK
va
HALOLLIK

gears_350px

TANQIDIY FIKRLASH
va
YAXLITLIK

analyzing_skill_350px

XATOLARDAN SABOQ OLISH – MUVAFFAQIYATNI QADRLASH

KENGASHNING MUSTAQILLIGI

Ta’sischilar universitetni uning ushbu qadriyatlarga sodiqlikni kafolatlash va namoyish etish maqsadida boshqarish uchun  mustaqil Vasiylik kengashini tuzdilar.

Kengash universitetga asos solingan vaqtdan boshlab tuzilgan bo‘lib, unga oliy ta’lim muassasalarini boshqarishda katta tajribaga ega bo’lgan mustaqil vasiy rahbarlik qiladi.

Kengash tomonidan Konstitutsiya ishlab chiqilib, unga ko‘ra, Kengash mustaqil (muassis bo‘lmagan) vasiylarning aksariyat qismini o‘z ichiga oladi. Bu moliyalashtiruvchi muassislar va aksiyadorlarning tutgan o‘rni va manfaatlari cheklanishini kafolatlaydi. Konstitutsiya Vasiylik kengashiga o‘zini moliyaviy manfaatlardan himoyalashni, shuningdek universitetga biznesni boshqarish va yuritishning qat’iy tamoyillariga amal qilish imkoniyatini beradi.

KENGASHNING ROLI

Vasiylik kengashi universitetning Qarashlari, Missiyasi, Qadriyatlari, shuningdek ularning universitet ichida ham, undan tashqarida ham tarqalishi uchun javobgar hisoblanadi. Universitet o‘z Qarashlari, Missiyasi va Qadriyatlariga amal qiladi va ularni aksiyadorlariga yetkazadi.

Vasiylik kengashi asosiy strategik qarorlarni tasdiqlaydi, yuqori bo‘g‘in rahbarlarini, shu jumladan rektor va uning o‘rinbosarlarini tayinlaydi, umumiy byudjetni, asosiy xodimlar siyosatini tasdiqlaydi va xavflarni boshqarish jarayonini nazorat qiladi.

Kengash universitetning ilmiy siyosati, uning jarayonlari va protseduralari akademik qarorlarning mustaqilligini kafolatlashi va akademik standartlarni qo‘llab-quvvatlanishini ta’minlaydi. Ushbu masalalarni hal qilish uchun Kengash rektor boshqaradigan va bir qator hamkasb olimlardan iborat mustaqil ilmiy kengashni ta’sis etdi.

KENGASH VASIYLARI

Vasiylik Kengashining Mustaqil A’zosi

Endryu Vaxtel

Endryu Vaxtel Garvard universitetida bakalavr, Berklidagi Kaliforniya universiteti (slavyan tillari va adabiyoti fakulteti)da magistr va falsafa doktori darajasini olgan. Garvard stipendiatlari jamiyatida uch yil bo‘lganidan so‘ng u uch yil davomida Stenford universitetida dars bergan, 1991-yilda esa u Shimoli-g‘arbiy universitetga ishga o‘tgan. U yerda Endryu slavyan tillari va adabiyoti kafedrasi dotsenti va mudiri, qiyosiy adabiyot dasturi direktori  kabi turli lavozimlarni  egallagan. 2003–2008-yillarda Roberta Baffett Xalqaro va qiyosiy tadqiqotlar markazi direktori, 2004–2010-yillarda Oliy maktab dekani bo‘lib ishlagan.

Endryu Vaxtel Amerika san’at va ilm-fan badiiy akademiyasi, shuningdek, Xalqaro munosabatlar kengashining a’zosi hisoblanib, uning ilmiy qiziqishlari ko‘lami rus adabiyoti va madaniyatidan Sharqiy Yevropa va Bolqon madaniyati, tarixi va siyosatigacha, zamonaviy O‘rta Osiyoganing tarixi va siyosatigacha qamrab oladi. U 19ta kitob (muallif, muharrir yoki tarjimon sifatida) va 100dan ortiq maqolalarni nashr etgan, ilmiy ishlari esa 10ta tilga tarjima qilingan. Uning kitoblari orasida “Jahon tarixida Bolqon yarim oroli” (Oxford UP, 2008), Ilya Vinitskiy bilan hammualliflikda “Rus adabiyoti (siyosatshunoslik, adabiyotning madaniy tarixi)” (Polity Press, 2008), shuningdek, “Kommunizmdan so‘ng muhim bo‘lib qolgan holda: Sharqiy Yevropada yozuvchining roli” (2006, University of Chicago Press)ni keltirish mumkin. Endryu rus, bosniya, xorvat, serb va sloven tillaridan faol tarjima qiladi, uning rus shoirasi Anjelina Polonskaya kitobi so‘nggi tarjimasi esa  2014-yilda Pen Poetry Translation Prize mukofotiga nomzod etib ko‘rsatilgan. 2010-yilda Endryu Vaxtel Amerika Markaziy Osiyo universiteti (Bishkek, Qirg‘iziston)ga rahbar bo‘lgan va 8 yil davomida ushbu lavozimni egallagan.

2018-yilda u Qozog‘istonning Olmaota shahridagi Narxoz universiteti rektori bo‘ldi. Hozir Bishkekda yashaydi,  u yerda Qirg‘iziston, Rossiya, Xitoy va O‘zbekistondagi akademik konsalting loyihalari bilan shug‘’ullanadi.

Vasiylik Kengashining Mustaqil A’zosi

Andrey Volkov 

Andrey Volkov – Skolkovo Moskva boshqaruv maktabining Jamoat strategiyalari instituti direktori. Rossiyada ta’lim siyosati sohasidagi yetakchi mutaxassislardan biri.

2005-yilda Volkov Rossiya ta’lim va ilm-fan vazirining maslahatchisi etib tayinlangan.

2006–2013-yillarda “Skolkovo” biznes maktabi rektori bo‘lgan. U “katta sakkizlik” mamlakatlarining Rossiyaning ta’lim sohasidagi tashabbuslari masalalari bo‘yicha ekspertlar guruhiga rahbarlik qilgan va RFda oliy ta’limni modernizatsiyalash dasturlarini ishlab chiqishda ishtirok etgan.

2013-yilda Andrey Volkov “Skolkovo” biznes maktabi professori, shuningdek, Rossiya Federatsiyasining yetakchi universitetlarining jahondagi ilg‘or ilmiy-ta’lim markazlari orasida raqobatbardoshligini oshirish bo‘yicha Kengash raisining o‘rinbosari lavozimlarini egallagan. Hozirgi kunda u Skolkovo jamoat strategiyalari institutiga rahbarlik qilib, institut tarkibiga Ta’lim transformatsiyasi markazi, boshqarma jamoalari uchun mintaqavyi va shahar dasturlari bloki, jamoat strategiyalari bo‘yicha magistrlik dasturlari, loyihalar menejerlari maktabi va boshqalar kiradi.

Vasiylik Kengashining Mustaqil A’zosi

Eldor Mannopov

Dentons Toshkent ofisining boshqaruvchi hamkori. U korporativ, shartnomaviy, tijorat, qurilish va soliq qonunchiligiga ixtisoslashgan. Eldor Mannopov mijozlarga energiya, kimyo va neft-kimyo, neft-gaz, infratuzilma va transport, korporativ va investitsiya  sohalarida yordam ko‘rsatadi. O‘zbekistonlik va xorijiy mijozlarga mas’uliyati cheklangan jamiyatlarni ro‘yxatdan o‘tkazish, sud muhokamalari va nizolari, yuridik ekspertiza, huquqiy ekspertiza va sotib olish, birlashish va qo‘shib olish bo‘yicha shartnomalar, ko‘chmas mulkni sotib olish va davlat mulkini xususiylashtirish masalalari bo‘yicha maslahatlar berish tajribasiga ega. Eldor Mannopov mahalliy va xorijiy korporatsiyalarga, doimiy vakolatxonalarga, soliqni optimallashtirish tuzilmalariga taalluqli bo‘lgan soliq boshqaruvi, turli sohalardagi (EPC, FIDIC shantnomalari) loyihaviy, qurilish, qurilish va ekspluatatsion faoliyatni litsenziyalash masalalari bo‘yicha ham maslahatlar beradi.

Loyihalar va qurilish sohalarida yetakchi yurist deb e’tirof etilgan Eldor Mannopov mijozlarga tijorat, shu jumladan EPC, xaridlar, qurilish, xizmatlar va/ yoki ishlar (Jahon bankining standartlariga muvofiq) bo‘yicha shartnomalarini ishlab chiqishda yordam beradi.

Vasiylik Kengashining Mustaqil A’zosi

Nazira Beyshenaliyeva

Nazira Beyshenaliyeva Amerika Markaziy Osiyo universtiteti va Garvard Biznes maktabi bitiruvchisi hisoblanadi. Nazira oilaviy biznesga rahbarlik qiladi va “Bank Azii” YOAJ direktorlar kengashi raisi sanaladi. Ayni paytda u Qirg‘iziston Respublikasidagi Amerika savdo palatasi (AmCham) direktorlar kengashi raisidir.

Nazira Bayshenaliyeva – Amerika Markaziy Osiyo universiteti Vasiylik kengashi, HBS GCC  (BAA, Dubay) klubi boshqaruvi hamda qo‘shilish va qo‘shib olishlar sohasidagi Osiyo va Tinch okeani assotsiatsiyasi boshqaruvi, professionallarni birlashtiruvchi platforma, shuningdek, Osiyo va Tinch okeani mintqasi mamlakatlari (mintaqalari)dagi qo‘shilish va qo‘shib olishlar sohasidagi bir qator assotsiatsiyalar a’zosidir.

Nazira Qirg’iziston Respublikasi va xorijda istiqomat qiluvchi mutaxassislarni birlashtiruvchi ProKG Club-platformaning hammuassisi hisoblanadi. ProKG Club professionallarining vazifasi yosh yetakchilarni ilhomlantiruvchi va yo‘naltiruvchi professionallarni birlashtiradigan platformani yaratishdan iborat. Klubning faoliyati o‘quv va professional salohiyatni rivojlantirishga, shuningdek yoshlarning shaxsiy o‘sishiga qaratilgan.

Hammuassis

Zafar Hoshimov

Sasseks universiteti boshqaruvning axborot tizimlari magistri, Buyuk Britaniya, Brayton;

Matematika fanlari magistri – Toshkent davlat universiteti, Toshkent, O‘zbekiston;

Matematika fanlari bakalavri – Toshkent davlat universiteti, Toshkent, O‘zbekiston;

korzinka.uz bosh direktori va asoschisi

FLO, Red Tag Uzbekistan, Balton Trading Asia Company egasi.

Hammuassis

Muzaffar Qosimov

Muzaffar Qosimov – HM Partners kompaniyalar guruhining hammuassisidir. Jahon iqtisodiyoti va diplomatiya universiteti (2001), Toshkent davlat sharqshunoslik instituti (2003), “Skolkovo” biznes maktabini (2017) tamomlagan, Biznes-praktikum dasturi sertifikatiga ega.  Biznesni boshlaguniga qadar  O‘zbekiston Respublikasi Tashqi ishlar vazirligida va Birlashgan Millatlar Tashkilotining ijtimoiy rivojlanish va qashshoqlikni kamaytirishga qaratilgan bir qator loyihalarida ishlagan. Muzaffar Qosimov – yuqori darajada rivojlangan analitik mahoratga va biznes loyihalarini yaratish, rejalashtirish va amalga oshirishda kuchli salohiyatga ega bo‘lgan tajribali boshqaruvchidir. Rossiya Federatsiyasi ko‘magida sertifikatlangan mustaqil direktor. Import-eksport va moliya sohasida tajribaga ega yuqori malakali mutaxassis. Biznesni rejalashtirish, tahliliy ko‘nikma, biznesni rivojlantirish, xalqaro savdo va turizm sohasidagi mutaxassis.

Hammuassis

Timur Abduqayumov

Timur Abduqayumov –tadbirkor,  Batiskaf Consulting kompaniyasining  hammuassisi. 15 yildan ortiq ish tajribasiga ega. Tadbirkorlik faoliyatini boshlashdan oldin u “Intersok” kompaniyalar guruhida va O‘zbekiston Respublikasi Prezidenti huzuridagi Iqtisodiy tadqiqotlar markazida ishlagan.

2008-yilda Timur Davlat texnika universitetini, Neft-gaz menejmenti institutini (O‘zbekiston), 2017-yilda esa O‘zbekiston-Yaponiya Inson resurslari markazining professional menejment dasturi (PMP)ni tamomlagan.

Uning vakolatiga loyihalarni boshqarish, samarali biznes jarayonlarini yaratish, sanoatdan xizmatlar sohasigacha turli faoliyat yo‘nalishlaridagi kompaniyalarni tashkiliy risojlantirish sohalari kiradi.

TEAM University Vasiylik Kengashi Raisi Andrew Wachtel bilan Intervyu