Ko‘pchiligimiz bilamizki, odatda oliy ta’lim muassasalarida o‘qish sentyabrdan boshlanadi. Biroq, turli sabablarga ko‘ra, har kim ham o‘qishini sentyabrdan boshlay olmasligi mumkin va natijada oliy ta’lim muassasasiga kirish uchun bir yil kutishiga to‘g‘ri keladi. Qishki qabul aynan shu muammoni hal qilishga yordam beradi. Bir yil yo‘qotishni istamaydiganlar uchun qishda o‘qishni boshlab, bahorda va yozda o‘qishni davom ettirishlari va keyingi yil sentyabrda ikkinchi kursda o‘qishlari mumkin.